احساس غريب

احساس غريب الحزن جارف والف اه
السكه توهه والف وش للحياه
والكل فاكر انه ضاحك ع الجميع
وياعينى عايش كدبه انه فى ربيع
وفجاه يصحى فى خريف مبينتهيش
وحقيقه مره نار وقايده متنطفيش
طيب يا صاحبى ليه كدبتك صدقتها؟
ايه كنت فاكر الحياه ملكتها!!!!!
وان الربيع لازم يدوم بلا منتهى
ياصاحبى فوق دوام الحال من المحال
ربك يغير كل يوم من حال لحال
اصل مينفعش ناس تعيش عمر ف نضال
وناس تعيش تسكن قصوروتبنى ف امال
والحلم فبل ما ينولد بيحققوه
والابن جوه الصلب مستقبله له يبنوه
واحنا الغلابه حلمهم بيت يسكنوه
ولقمه طاهره بالحلال من قيراط بيزرعوه
مش طمعانين في فيلل ولا ف قصور
وفلوس فى بنوك العدا يارب تغور
ولا ف طيارات خاصه ودهب ومهور
وافراح تنقام لما نيجى اونغور
كان كل هم لنا نعيش بالحلال
نزرع خطاوى البلد تحصد امال
نرفع رايتها وباسمها نعلى الجبال
وشبابها الضايع فى البلاديرجع مجبور
من بعد اهانه وشقى وعايش مقهور
يحضن ترابها وارضها ويمحى البور
بعرق جبينه ترتوى وتطرح عمار
ساعتها بس تبتسم كل الشفاه
وطريق بلدنا يترسم وتضيع الاه
واغنى بصوتى وضحكتى واقول عمار
والله يا مصر يا امنا والله عمار